Zein da guk ondo ikasteko behar ditugun baldintzak (metodologia, irakaslea, testuingurua, materiala...)

     Hasteko, metodologiari dagokionez, taldeka lan egitea onuragarria dela deritzot. Denen artean, gehiago ikasten delako bakarka gauzak eginez baino. 
     Irakasleari dagokionez, motibazioa sustatu behar du. Motibaziorik gabe, ikasleei ikasteko eta adi egoteko gogorik gabe egoten baitira. Motibazioa oso tresna garrantzitsua dela uste dut etorkizunerako, izan ere, nik ikasten nuenean ez nuen motibaziorik jasotzen eta askotan, horren beharra sumatzen nuen.
    Testuinguruari dagokionez, oso garrantzitsua da inguruaren eragina haur batentzat. Ikastolako beste haurrek egiten dutena eta esaten dutena, gurasoek esaten diotena... oso garrantzitsuak dira haurrentzan. Horrez gain, guk, irakasleek, haurrengan eragin izugarria dugula uste dut, izan ere, denbora asko igaroten dugu beraiekin.
    Materialari dagokionez, testu-liburuei garrantzi gutxiago eman behar zaiela uste dut eta beste metodologia batzuk erabiltzen hasi. Adibidez: fitxak, taldekako elkarrizketak...

Nola irakatsi digute gaur egun arte?

          Nik gogoratzen dudanaren arabera, gaur egun arte testu-liburuen bitarten irakasten ziguten. Ikasgelan sartu, bakoitza bere lekuan eseri eta irakaslea testuliburuko teoria esplikatzen asten zen. Gu bitartean berari entzunez egoten giñen, eta lanak taldeka egin beharrean bakarka egiten genituen. Mahaiak "U" forman ezarrita zeuden, beraz, ondokoekin soilik hiz egiten zen.

        Ebaluatzerako orduan, alde batetik, etxeko lanen bidez ebaluatzen zuten. Etxeko lanak egiten genituenean, positibo bat ezartzen ziguten eta ez genituenean egiten berriz, negatiboa. Horrez gain, azterketak egiten genituen. Azterketa horiek, gutxi, nahiko, ongi, oso ongi edo bikainen bidez puntuatzen ziren.

       Ni lehen hezkuntzan nengoenean, ez nuen metodologia berezirik erabiltzen, hala ere, batzuetan ariketa batzuk taldeka egiten genituen.